- طيب... نراجع حياتي بسرعة و نشوف أنا رايح فين من هنا: أنا اتولدت، كبرت شوية، دخلت مدرسة، كبرت شوية، دخلت جامعة، و بس كدة لحد دلوقتي. أستحق أكتئب؟ يعني، بصراحة آه. ماعملشتس حاجة مفيدة بجد حتى الآن لأسباب كتير، و لكن الأسباب ديه كلها ممكن تعتبر عذر أقبح من ذنب: غلطات في شخصيتي محتاجة تتصلح.
- واحد معايا في حصة التفكير الفلسفي في الجامعة فاز بالمركز الأول في مسابقة على مستوى الجامعة لكتابة القصة القصيرة باللغة العربية. (أنا ماكنتش أعرف أن في مسابقة أصلاً، بس المرة الجاية بإذن الله هاشترك.) المهم، هو كتب قصة اسمها "لوليتا ثائرة". أنا ماحصلَّيش الشرف أني أقرا القصة حتى الآن، و لكن قريت أول سطر منها، و عجبني أوي تعبير كان هو كاتبه: "أصحاب الجيوب العاهرة". التعبير ده معلق في دماغي بقى له كذا يوم و بالنسبة لي لوحده سبب كفاية أنه يفوز بالمسابقة.
- عايزك تغني بألف صوت مش مسموع، بجمال عصف العيون، بعزف الشجر للحن الوجود... غنَّ.
+ حاجات اتأكدت منها قريب تاني:
- معظم الشباب اللي في سني (و للأسف كمان في من الرجالة اللي أكبر مني) سطحيين فعلاً و مش بيبصوا للست غير لو شكلها حلو.
- مش كل البني آدمين وحشين. في بني آدمين يستاهلوا أني أعرفهم (أو أستاهل أني أقابلهم بسكل أصح).
- الحمد لله.
- في حاجات بتبقى من كتر ما أنت حاسس أنك متأكد منها بتتطلع أي كلام، ف لازم تتحرى في كل حاجة تقابلك.
- نفسي كل الناس ينبضوا. أعزائي القُرَّاء، حاولوا تخلوا على الأقل شخص واحد تعرفوه يبدأ ينبض النهاردة.
يا رب...
ليست هناك تعليقات:
إرسال تعليق